Freedom House халқаро ташкилоти "Эркинлик дунё миқёсида 2017" рўйхатини эълон қилди. Унга кўра, Ўзбекистон Марказий Осиё мамлакатлари орасида энг паст натижани қайд этган (3 балл).
Умумий рўйхатда эса Ўзбекистон дунё бўйича 4-ўринни эгаллаган. Биринчи ўринни -1 балл олган Сурия, иккинчи ўринни 1 балл олган Тибет, учинчи ўринни эса Эртирея эгаллаган.
Freedom House рейтингида энг эркин мамлакатлар учлигига ҳар бири 100 баллдан олган Норвегия, Финландия ва Швеция қайд этилган.
Эркинлик даражаси 100 балли шкала бўйича баҳоланади, яъни 100 - энг баланд кўрсаткич, 0 - энг паст кўрсаткич.
Рейтинг 195 мамлакатни ўз ичига олган. Барча давлатлар шартли равишда сиёсий ва фуқаролик ҳуқуқларини таъминлаш тамойилига кўра, уч гуруҳга ажратилган: эркин, қисман эркин ва эркин бўлмаган давлатлар.