Туркия парламенти ўтган йилнинг июль ойидан бери давом этаётган фавқулодда ҳолат тартибини 19 июлгача узайтириш ҳақида қарор қабул қилди, дея хабар бермоқда Анадўлу агентли.
16 июль куни ҳарбийлар томонидан давлат тўнтариши амалга оширишга уриниш ортидан, Туркияда 20 июль куни фавқулодда ҳолат тартиби ўрнатилган эди. Мамлакат қонунчилигига мувофиқ, фавқулодда ҳолат узоғИ билан уч ой муддатга жорий қилиниши мумкин. Фавқулодда ҳолат тартиби 19 апрел куни ниҳоясига етиши лозим эди.
Амалга ошмай қолган давлат тўнтариши оқибатида 249 киши ҳалок бўлган ва 2 200 киши жароҳат олгани айтилади. Парламент қарори «фуқароларнинг конституция билан мустаҳкамланган ҳуқуқ ва эркинликларини муҳофаза қилишга қаратилган чоралар давомийлигини таъминлаш» учун қабул қилинган.
Туркияда 16 апрел куни президентга кенг ваколатлар беришни кўзда тутувчи конституцион ўзгаришлар юзасидан референдум бўлиб ўтган эди. Референдумда қатнашган туркияликларнинг 51,4 фоизи президентлик реcпубликаси тузумига ўтишни маъқуллаган.