Айтишларича, қулупнай сотиб олишга ҳали эрта экан: ҳам қиммат, ҳам унчалик мазали эмас. Лекин одам жуда истаса, татиб кўриши мумкин. Ушбу мавсумда қулупнай расталарига тушганлар, Sof.uz муҳбири билан дастлабки таассуротларини ўртоқлашди.
− Чорсуда эса қулупнай нархи 45 минг сўм.
− Бугун 25 минг сўмга Чарли навли қулупнай сотиб олдим. Мазаси аранг сезилади. Ҳали эрта экан.
− Чилонзор метроси яқинида қулупнай нархи 28 минг сўм. Таъми умуман йўқ. Ҳали эрта.
− Кеча Фарҳод бозоридан 30 минг сўмга сотиб олдим: мазали, ширин.
− Олой бозорида 60 минг сўм: сараланган ва жуда мазали.
− ТТЗ бозорида 20−32 минг сўм.
− Юнусобод бозорида 20 минг сўм. Бироқ сотиб олмадик, ишонч йўқ.
− Бугун огоҳлантиришди, олмаслик керак экан. Танишим инфекция бўлимида ишлайди, иккита овқатдан заҳарланиш ҳолати қайд этилибди.
− Роҳат айланма йўли яқинида 40−50 минг сўм
Ҳамма севиб истеъмол қилувчи қулупнай Тошкент бозорларида бир килограмм нархи 20 мингдан 120 минг сўмгача деб баҳоланмоқда. Бу унинг сифати ва ўлчамига боғлиқ.