Туркия полицияси Анқарада ИШИДга алоқадорликда гумонланган икки шахсни йўқ қилди
21.05.2017 17:25,
2549
Туркия полицияси Анқарада ўтказилган рейд вақтида ИШИД ташкилотига алоқадорликда гумон қилинган икки шахсни йўқ қилди. Бу ҳақда губернатор Эркан Тўпакка асосланган ҳолда Anadolu хабар тарқатди.
Ҳуқуқ-тартибот идоралари террорчиларга олдинроқ Истанбулда қўлга олинган жангари орқали чиқди. У терактга тайёргарлик кўрганини тан олди ва икки шериги истиқомат қилаётган Анқарадаги манзилни маълум қилди.
Ушбу жойга келган полиция ходимларига қарата гумонланувчилар ўт очди. Отишма давомида улар йўқ қилинди.
Квартирада ўтказилган тинтув чоғида полициячилар қурол, қўл гранаталари, қўлбола портловчи қурилмаларни аниқлади.