Шимолий Корея етакчиси Ким Жонг Ин «янги турдаги» ракетага қарши мудофаа тизими синов отиш машқларида қатнашди. Бу ҳақда Корея Марказий телеграф агентлиги хабар бермоқда.
Мамлакат етакчиси ҳарбий раҳбариятни мақтади ва ўтган йил билан таққослаганда объектни аниқлаш, уни йўқ қилиш, нишонга уриш фоизи ошганлигини таъкидлади.
"Бу имкониятлари синчковлик билан текширилган қурол-аслаҳа тизими бутун мамлакатни ўрмон каби қоплаши ва рақибларнинг ҳавода ҳукмронлиги ҳақидаги хаёлларини йўқ қилиш учун оммавий равишда ишлаб чиқарилиши керак", деб айтган Шимолий Корея раҳбари.
Миллий мудофаа академияси томонидан ташкил этилган отиш машқлари янги ракетага қарши мудофаа тизимини синовдан ўтказиши керак эди. Жумладан, синов вазифаларига душман ракетаси ва учувчисиз учар қурилмаларини аниқлаш ва йўқ қилиш ҳам киритилган.