Юрий Ушаков: ШҲТ саммитида афғон муаммосига алоҳида эътибор қаратилади
23.06.2016 13:49,
6
Афғонистондаги вазият беқарор бўлиб турганлиги муносабати билан, Ўзбекистонда ўтадиган ШҲТ саммитида Россия афғон муаммосига алоҳида эътибор қаратади, деб хабар бермоқда РФ президенти ёрдамчиси Юрий Ушаков.
Яқинда бўлиб ўтган матбуот анжуманида Кремлнинг вакили ҳукуматга қарши кучларнинг юқори фаоллашуви ҳақида сўзлаган. “Афғонистондаги қуролланган экстремистларнинг умумий сони 60 минг нафардан иборат, уларнинг 10 минг нафари – ИШИД гуруҳларида”,- деди Ушаков.
Афғон муаммоси ШҲТга аъзо давлатлар раҳбарлари иштирокида Тошкентда ўтадиган ШҲТ саммитида муҳокама қилинади.