Эрдўған Ҳайит намози вақтида ҳушидан кетди
25.06.2017 12:25,
4
Туркия президенти Ражаб Тоййиб Эрдўған муқаддас Рамазон ойи якунига бағишланган Ҳайит намози вақтида ҳушидан кетди. CNN Turk якшанба куни шу ҳақида хабар берди.
Телеканал маълумотларига кўра, Аташеҳир шаҳридаги Хўжа Синон масжидида тўсатдан турк етакчисининг қонидаги қанд миқдори кўтарилиб кетган ва ерга йиқилган. Шифокорлар воқеа жойида унга тиббий ёрдам кўрсатган ва Эрдўғон ўзига келган.
«Бугун менинг қонимда қанд моддаси мувозанатининг бузилиши кузатилди. Бироқ шифокорлар қисқа вақт ичида мени ҳушимга келтирди, ҳозир ҳолатим яхши», — деди Туркия президенти журналистларга берган баёнотида.