Халқаро футбол федерацияси ФИФА 2017 йил учун ташкилотнинг халқаро рўйхатига киритилган ҳакамлар исмини тасдиқлади, деб хабар беради ЎФФ расмий сайти.
ФИФАнинг 2017 йил учун рўйхатидан ўзбекистонлик ҳакамлардан Равшан Эрматов, Валентин Коваленко, Ильгиз Танташев, Шерзод Қосимов, Азиз Асимов, Дмитрий Пислегин, Ахрол Рисқуллаев, шунингдек, аёл ҳакамлар - Анна Сидорова ва Эдита Мирабидовалар киритилган. Футзал ҳакамлари - Анатолий Рубаков, Умид Пўлатов, Искандар Зоитов, Жамолиддин Қосимов; пляж футболи бўйича ҳакам - Бахтиёр Номозов ҳам ФИФА рўйхатидан жой олган.
Ҳакамлар ассистентларидан Абдуҳамидулло Расулов, Жаҳонгир Саидов, Маъмур Саидқосимов, Ҳусниддин Шодмонов, Руслан Серазитдинов, Андрей Цапенко, Алишер Усмонов, Тимур Гайнуллин, Санжар Шоюсупов; aёл ҳакамлар ассистенларидан Зилола Раҳматова, Кристина Середаларнинг номи ҳам рўйхатда бор.
Фото: the-uff.com