Испаниянинг Барселона шаҳри мэри Ада Колау Каталониянинг Испаниядан мустақил бўлиш ғоясига қарши эканини маълум қилди. Бу ҳақда қиролликда чоп этиладиган El Pais нашри ёзмоқда.
«1 октябрдаги натижалар мустақиллик эълон қилиниши учун асос бўлолмайди», — деди Барселона мэри.
Унинг сўзларига кўра, Каталонияда бўлаётган барча воқеалар «Испаниянинг демократияга ўтган лаҳзасидан бошлаб энг жиддий институтциявий инқироз ҳисобланади».
Эслатиб ўтамиз, Барселонада 8 октябрь, якшанба куни ягона Испанияни қўллаб-қувватловчи акция бўлиб ўтди. Унда миллионга яқин киши қатнашди.