Ўзбекистон Тожикистонга жаҳон бозоридан икки баробар арзон нархда газ сотади

14.03.2018 | Ўзбекистон | 2819

Жорий йилнинг 9-10 март кунлари Ўзбекистон Президенти Шавкат Мирзиёевнинг Тожикистонга қилган давлат ташрифи давомида Ўзбекистоннинг Тожикистонга табиий газ экспорт қилиши бўйича икки томонлама шартнома имзоланган.  Ўзбекистоннинг “Ўзтрансгаз” АЖ ва Тожикистоннинг “Тожиктрансгаз” АЖ компаниялари раҳбарлари ўзаро шартномаларни тасдиқлаган.

Маълум бўлишича, 2018 йилда Ўзбекистон Тожикистонга умумий қиймати 15,1 миллион АҚШ доллар бўлган тахминан 126 миллон кубометр табиий газ экспорт қилади, ушбу экспорт бўйича Ўзбекистон Тожикистонга ҳар 1000 кубометр табиий газни 120 АҚШ долларида сотиши белгиланган.

Айтиш жоизки, ушбу нарх жаҳон бозори нархидан ики баробар паст саналади. Чунки ҳозирда 1000 кубометр табиий газнинг жаҳон бозоридаги нархи 227 АҚШ доллар ҳисобланади.