Бинали Йилдирим расмий ташриф билан 23 сентябрь куни Ўзбекистонга келади

21.09.2018 | Ўзбекистон | 2364

2018 йилнинг 23 сентябрь куни Туркия Республикасининг Буюк миллат мажлиси раиси Бинали Йилдирим расмий ташриф билан Ўзбекистонга келади. Бу ҳақда Ўзбекистон Ташқи ишлар вазирлиги хабар бермоқда.

Туркия Парламенти раиси Ўзбекистон Республикаси Президенти Шавкат Мирзиёев томонидан қабул қилиниши кутилмоқда.

Туркия делегацияси ташрифи дастурига кўра Олий Мажлис палаталари, Вазирлар Маҳкамаси раҳбарлари билан учрашув ва музокаралар ўтказиш, Самарқанд ва Бухоро шаҳарларига ташриф буюриш режалаштирилган.