Тошкентда Туркия университетларида таълим олиш имкониятини берувчи таълим ярмаркаси ўтказилади

16.05.2019 | Ўзбекистон | 4600

18 май куни 10:00 да Тошкентдаги Radisson Blu меҳмонхонасида чиладиган таълим ярмаркасида Туркиянинг 30 та университитети вакиллари ўз тажрибалари билан ўртоқлашади, дея хабар қилди Туркиянинг Ўзбекистондаги элчихонаси Sof.uz'га.

ОТМлар 14 давлатдан 162 та университетни бирлаштирган Кавказ университетлари уюшмаси (KUNİB) — халқаро таълим ташкилоти томонидан ярмаркага таклиф этилди.

Ярмаркага ташриф буюрувчи Туркия университетлари ректорлари Ўзбекистон ОТМлари билан ҳамкорлик тўғрисидаги келишувларни имзолайди.

Бундан ташқари, 20 май куни 10:00 да Тошкентдаги Tashkent International меҳмонхонасида YÖS (чет эллик талабаларни саралаш) имтиҳонини ташкил этади. Саралашдан ўтган номзодлар Туркиядаги 71 та университетдан бирида таълим олиши мумкин.