Ўзбекистон ва миллий авиакомпания ҳақида махсус веб-саҳифа ишга туширилди
18.02.2017 16:16,
4
Сингапурда Ўзбекистон ва "Ўзбекистон ҳаво йўллари" Миллий авиакомпанияси ҳақидаги махсус веб-саҳифа (www.flyuzbek.com) ишга туширилди.
Интернет-манбада Ўзбекистон, унинг маданияти, тарихи, анъаналари, меъморчилиги, табиати, миллий таомлари ҳамда шаҳарлари ва минтақалари тўғрисидаги маълумотлар тақдим этилган.
Ҳар бир бўлим Ўзбекистоннинг туристик жозибадорлигини акс эттирувчи ёрқин фотосуратлар билан бойитилган.
Портал орқали "Ўзбекистон ҳаво йўлари" МАК самолётларининг учиш харитаси, авиачипталарни сотиб олишда таклиф қилинадиган қулайликлар тўғрисидаги маълумотларга эга бўлиш, шунингдек МАКнинг Сингапурдаги бош агенти "Aeeroworld Aviation"га Сингапур, Малайзия ва Индонизия ҳудудларида зарур ёрдам олиш учун мурожаат қилиш мумкин.