Қирғизистон Сардобадаги фалокатдан зарар кўрганларга инсонпарварлик ёрдами юборди (фото)
11.05.2020 13:26,
596
Қирғизистон ҳукумати Сардоба сув омбори қисман ўпирилиши натижасида зарар кўрган аҳолига инсонпарварлик ёрдами юборди. Бу ҳақда Sof.uzʼга Янгиер шаҳар ҳокимлиги матбуот хизмати маълум қилди.
Инсонпарварлик ёрдами ортилган поезд Қирғизистон Республикасининг Ўзбекистондаги элчиси И.Жунусов ва Қирғизистон Фавқулодда вазиятлар бўйича вазирлигининг вакили кузатуви остида Янгиер шаҳрининг “Yangi-Yangiyer” темирйўл станциясига етиб келди.
Бу ерда делегацияни вилоят ҳокими Ғ.Мирзаев бошчилигидаги масъуллар кутиб олдилар. Мазкур инсонпарварлик ёрдамида 1000 тонна цемент, 100 тонна гуруч ва 10 тонна ўсимлик ёғи ўрин олган.
