Li-ion батарейкани такомиллаштирган уч нафар олим 2019 йилда кимё бўйича Нобел мукофотини қўлга киритди. Бу ҳақида BBC хабар қилди.

Жон Гуденаф (John B Goodenough), Стенли Уиттингхем (M Stanley Whittingham) ва Акира Йошино (Akira Yoshino) электроника саноатидаги қайта қувватланувчи батарейкалар устида амалга оширган изланишлари учун ушбу мукофотга лойиқ кўрилган.

97 ёшли профессор Гуденаф ушбу мукофотнни қўлга киритган энг қари «Нобелчи» саналади.

Нобел қўмитасидагилар «қайта қувватланадиган дунёни яратган»и учун ушбу мукофотни қўлга киритганини айтишди.

Нобел мукофотининг миқдори 9 миллион швед кронасига (қарийб 830 минг еврога) тенг.

Аввлароқ, тиббиёт ҳамда физика бўйича 2019 йил Нобел мукофотини қўлга киритган олимлар ҳақида хабар берилган эди.