Ливан пойтахти губернатори Марван Аббуд 4 август куни кечқурун Байрут портида содир бўлган портлаш натижасида зарар миқдори 15 миллиард долларга етиши мумкинлигини айтди, деб хабар беради Al Hadath телеканали.

5 август куни у зарарни $3 млрд.дан $5 млрд.гача баҳолаган эди, Аббуд телеканалга берган интервюсида портлаш натижасида шаҳарнинг деярли ярми қисман ёки тўлиқ вайрон бўлганини айтди.

Ташқи ёрдамсиз Байрут озиқ-овқат инқирозига дуч келиши мумкин, деди у. Энди Ливан ҳукумати комиссиядан портлашни келтириб чиқарган барча ҳолатлар тўғрисида ҳисоботни кутмоқда.

4 август куни кечқурун Байрут портида кучли портлаш содир бўлди. Олдин олов пайдо бўлди. Портлаш тўлқини эпицентрдан бир неча километр радиусда жойлашган бинолар, транспорт воситалари ва инфратузилмани вайрон қилди. Байрут маъмурий биноларининг ярми, шу жумладан Россия элчихонаси ҳам шикастланган. Битта дипломат шиша парчалар билан энгил яраланган.

Сўнгги маълумотларга кўра, 130 дан ортиқ одам портлаш қурбонига айланган, 5 мингга яқин киши жароҳатланган. Ўлганлар орасида портлаш пайтида портдаги ёнғинни ўчираётган ўт ўчирувчилар гуруҳининг ўн нафар аъзоси бор эди. Тахминан 300 минг киши бошпанасиз қолди.

Дастлаб, пиротехника омбори портлаганлиги ҳақида хабар берилди. Кейинчалик Ливан расмийлари ёнғин ва ундан кейинги портлаш порт омборида пайвандлаш натижасида келиб чиққанлигини, бу ерда 2750 тонна аммиак селитра сақланганлигини айтишди. Селитра 2014 йилда Батумидан (Грузия) Мозамбикка юк олиб кетаётган Rhosus рус кемасидан мусодара қилинган.

Кема эгаси Хабаровскдан (Россия). 2013 йилда кема техник муаммолар туфайли Байрут портида тўхтади. Розус эгаси аслида порт тўловлари ва экипаж маошини тўламасдан уни тарк этди. Натижада, юк мусодара қилинди ва омборга жойлаштирилди, у ерда олти йил сақланди.

Ливан пойтахтидаги портлаш ва унинг тафсилотларига оид янгиликлар билан шу ерда танишинг.