Диёр Имомхўжаев ЎзПФЛ бош директори вазифасини бажарувчи этиб тайинланди
27.05.2020 09:01,
183
Диёр Имомхўжаев расман Ўзбекистон Профессионал футбол лигаси бош директори вазифасини бажарувчи этиб тайинланди. Бу ҳақда ташкилот расмий сайтида хабар берилди.
Ўзбекистон Профессионал футбол лигаси бош директори Даврон Шоқурбонов жорий йил 25 май кунидан ўз аризасига мувофиқ эгаллаб турган лавозимидан озод қилинган.
"Шу сабабли, Ўзбекистон футбол ассоциацияси президенти А.Азизовнинг тақдимига биноан Диёр Имомхўжаев Ўзбекистон Профессионал футбол лигаси Ижроия қўмитаси томонидан бош директор вазифасини бажарувчи этиб тасдиқланди", - дейилади хабарда.
2017 йилдан бери ташкилотда фаолият юритаётган Имомхўжаев шу вақтга қадар директор ўринбосари бўлиб ишлаб келган.