Охирги марта қачон кутубхонага бордингиз? Кимдир мактаб пайтида, яна кимдир ўтган ҳафтадир. Кутубхонанинг ўз жозибаси бор — у тарихга бой, чиройли ҳамда сокин ва ҳар қадамда китоб ўқиётган одамни кўриш мумкин. Лекин смартфонлар ва iPad’лар эрасида одамлар кутубхонага боришни камайтирдилар.
Қуйида эътиборингизга дунёнинг энг чиройли, такрорланмас дизайнга эга 10 та кутубхонасини тақдим этамиз.
Штутгарт шаҳар кутубхонаси (Германия)
Икки рангли кубик-рубик шаклида барпо қилинган кутубхонани танқидчилар китоблар учун қамоқхонага ўхшатишади. Лекин кўплаб зиналарда (бинода лифт мавжуд эмас) ва дам олиш қўйилган сирли, қулай бурчаклардаги диванлар китобсеварлар учун ҳақиқий жаннатни тақдим этади. Лойиҳа корейс меъмори Юн Янг Йи томонидан ишланган. Кутубхона 2011 йилда очилган.
Беларус миллий кутубхонаси (Беларус)
Миллий кутубхона Минскнинг энг диққатга сазовор жойларидан бири. Мураккаб геометрик шаклда қурилган бино 22 қаватдан иборат. У ерда 8 миллиондан ортиқ китоблар сақланади. Кутубхона бир вақтнинг ўзида 2000 дан ошиқ китобсеварларга “жой топиб бера олади”. Бино лойиҳасини Михаил Виноградов ва Виктор Крамаренко чизган. Кутубхона 2006 йилда очилган.
Искандария кутубхонаси (Миср)
Искандариядаги кутубхона дунёнинг этти мўъжизасидан бири ҳисобланган қадимги Искандария кутубхонаси шарафига қурилган. Бу Ўрта ер денгизи бўйида жойлашган йирик кутубхона ва маданий марказдир. Кутубхона биноси улкан асосий ўқув залига эга, баландлиги 32 метрни ташкил этадиган ойнали том денгиз томонга эгилиб турган, диаметри 160 метр бўлган улкан қуёш соатига ўхшайди. Мажмуада конференция маркази, хариталари бўлган ихтисослаштирилган кутубхоналар, мултимедия кутубхоналари, кўзи ожизлар, шунингдек болалар учун махсус хоналар мавжуд. Тўртта музей, вақтинчалик кўргазмалар учун тўртта бадиий галерея, 15 доимий кўргазма, планетарий ва қўлёзмаларни тиклаш лабораторияси мавжуд.
Делфт техника университети кутубхонаси (Нидерландия)
Кутубхона сизни бир қарашда ўзига мафтун қилади. Бино, аслида, ер остида бўлиб, ташқи томондан кўринадиган нарса - замонавий технологияларни акс эттирувчи ўтли тепалик ва улкан конус. Делфт техника университети кутубхонаси 1997 йилда қурилган бўлиб, унда 862 мингдан ортиқ китоблар, 16000 журналлар нашр этилган ва ўз музейи мавжуд.
Солт Лейк шаҳри марказий кутубхонаси (АҚШ)
Такрорланмас меъморий ечими билан кутубхона Юта штатининг диққатга сазовор жойларидан биридир. 2003 йил феврал ойида очилган унинг лойиҳаси дунёга машҳур меъмор Моше Сафди томонидан ишлаб чиқилган. Кутубхонада ҳамма нарса ғайриоддий: олти қаватли букиладиган девори, пастки қаватлардаги турли хизмат кўрсатиш дўконларидан тортиб, юқори қаватдаги 300 кишилик ўқиш залигача.
Эдмонт аббатлиги кутубхонаси (Австрия)
Кутубхона 1776 йилда меъмор Жозеф Хубер томонидан борокко услубида қурилган. Шифтлар Бартоломео Алтомонте томонидан бўялган. Дунёдаги иккинчи энг йирик монастир кутубхонаси Алп тоғлари етакларида жойлашган.
Бишан жамоат кутубхонаси (Сингапур)
Ушбу кутубхона кўплаб мукофотларга сазовор бўлган ва айтиш керакки,у бунга жуда муносиб. Кутубхона лойиҳаси асосий бинодан алоҳида чиққан капсулалар кўринишида ишланган. Ушбу капсулалар китоб жавонида турган китобларни билдиради. Бундай капсула ичида танҳо китоб ўқишнинг гашти ўзгача. Кутубхона Бишан шаҳрининг марказида жойлашган бўлиб, майдони 4000 квадрат метрга тенг.
Веннесладаги кутубхона ва маданият маркази (Норвегия)
Норвегиялик архитекторлар Ҳелен ва Ҳард томонидан яратилган ушбу ғайриоддий кутубхонанинг дизайни Норвегиядаги жамоат биносига нафислик бағишлайди. Мажмуа 2011 йилда очилган. Кутубхона "кам энергия сарфловчи “А” синфига кирадиган бино. Мажмуадан кутубхонанинг ташқари, кафе, йиғилиш хоналари ва маъмурий ҳудудлар мавжуд. Кутубхона биноси ўқув маркази биноси билан боғланган.
Васконселос кутубхонаси (Мексика)
Улкан кутубхонани мексикаликлар “мегакутубхона” деб аташади. У 124000 квадрат метр майдонни эгаллайди ва беш қаватли бинонинг шиша токчаларида жойлашган 500 мингдан ортиқ китобларга эга. Кутубхона файласуф ва Мексика Миллий кутубхонаси президенти Хосе Васконселос шарафига очилган.
Тринити коллеж кутубхонаси (Ирландия)
Дублиндаги Тринити коллежида Ирландиянинг энг катта кутубхонаси жойлашган. Унда 200 мингдан ортиқ китоб сақланади. Ушбу кутубхона Ирландияда нашр этилган материалларни бепул олиш мутлақ ҳуқуқига эга.