Бундан тахминан бир йил олдин ижтимоий тармоқларда "Эрон шоҳининг ҳарами аёллар" фотосуратлари тарқаб кетди. У ерда Насриддин шоҳ Қажар ҳарамида сақланган бадбашара аёлга ўхшамаган "хотинлари" акс эттирилган эди.
Аслида расмда акс этганлар Насриддин шоҳ буйруғи асосида ташкил этилган театрнинг эркак актёрлардир. Шоҳ Европа маданиятига қизиққанлиги учун 1890 йили Дорилфунун Политехника билим юрти қошида театр очишга фармон беради, у ерда фақатгина сарой уламолари учун сатирик томошалар кўрсатилиб келинган.
Театр асосчиси Мирза Али Акбар Наққошбоши бўлиб, ҳозирги замон Эрон театрининг ташкилланишида бош бўлганлардан ҳисобланади. Театрда аёллар рол ўйнашига рухсат берилмаганлиги учун, аёл ролларини эркаклар ижро этишган. 1917 йилдан аёллар саҳнага чиқишган.