Миннеаполисда афро-америкалик Жорж Флойднинг ўлими ортидан жума куни АҚШнинг қатор йирик шаҳарларида норозилик намойишлари ташкил этилмоқда.
Полиция, ҳибсга олишлар ҳамда вандализм актига қарши митинглар Нью-Йорк, Атланта (Жоржия штати), Албукерке (Нью-Мексика штати), Фонтана, Сан-Хосе (иккаласиям Калифорния штатида), Ҳюстон (Техас штати) шаҳарларида ўтказилмоқда.
Бундан ташқари, агентлик маълумотларига кўра, шунга ўхшаш ҳолатлар пайшанба Феникс (Аризона) ва Денвер (Колорадо) да қайд этилган.
Жорж Флойднинг ўлими
Миннеаполисда афро-америкалик Жорж Флойднинг ҳибсга олиниши билан боғлиқ видео Интернетда тарқалиб кетгач, бу шаҳарда ҳамда бошқа шаҳарларда ҳам оммавий норозиликларни келтириб чиқарди. Флойд сохта чек билан дўконда харидларни тўлашда гумон қилиниб ҳибсга олинган ва полициячилардан бири Дерек Чаувин унинг бўйнига тиззаси билан босган ва уни 7 дақиқадан кўпроқ ушлаб турган. Буларнинг барчаси гувоҳлар томонидан видеога ёзиб олинган. Видеода Флойднинг нафас ололмаётганини айтганлиги аниқ эшитилди, аммо полициячи томоғини сиқишда давом этди. 2020 йил 25 майда Флойд касалхонада вафот этди.
Ушбу хабар кенг тарқалгач, шаҳар полицияси ҳибсда иштирок этган тўрт нафар зобитни ишдан бўшатишини маълум қилди. Кейинчалик улардан бири эҳтиётсизлик ва одам ўлдириш орқали қотилликда айбланди.