Амстердам шаҳрида Голландия чемпионатининг 2018/19 йилги якунланган мавсумидаги "энг яхшилар"ни тақдирлаш маросими бўлиб ўтди.
Маросимда "Йил ўйинчиси" номига собиқ "Аякс" ўйинчиси, ҳозирда Туриннинг "Ювентус" клуби шарафини ҳимоя қилаётган Маттейс Де Лигт муносиб деб топилди.
Де Лигт ўтган мавсум "Аякс" сафида 33та ўйинда майдонга тушиб, 3та гол уришга эришган.
"Энг яхши ёш ўйинчи" деб ёзда "Барселона"га ўтган ва яқинда УЕФА талқинига кўра ЕЧЛнинг энг яхши ярим ҳимоячиси бўлган Френки де Йонг муносиб кўрилди.
Шунингдек, Душан Тадич ва Люк де Йонг "энг яхши тўпурар" совринига эга чиқишди.
ФИФА кунлари бошланиши арафасида Португалия футбол федерациясида ҳам ортда қолган мавсумдаги лауреатлар номи оммага эълон қилинди.
Унга кўра йилнинг энг яхши футболчиси Криштиану Роналду деб топилди. Португалиялик юлдуз бу совринни 10-марта қўлга киритди. 34 ёшли Роналду ўтган мавсумда “Ювентус” билан А Серия ғолиблиги ва миллий терма жамоа билан УЕФА Миллатлар Лигасида бош совринни қўлга киритганди.
Ундан кейинги ўринлардан “Атлетико” ҳужумчиси Жоау Фелиш ва “Манчестер Сити” ярим ҳимоячиси Бернарду Силва жой олишган