Ўзбекистон Мудофаа вазирлиги Хитойда ишлаб чиқарилган FD-2000 русумли ракеталарни илк бор синовдан ўтказади.

Қашқадарё вилоятида доимий жойлашган Ҳаво ҳужумидан мудофаа қўшинлари ва Ҳарбий ҳаво кучларига қарашли ҳарбий қисм, Навоий вилоятидаги “Кулқудуқ” полигонида FD-2000 русумли ҳаво ҳужумига қарши ракетани синовдан ўтказилиши режалаштирган. Синов қўмондонлик масъул офицерлари раҳбарлигида, жанговар тайёргарлик ўқув режасига кўра олиб борилади.

FD-2000 (бошқа номи HQ-9) - Хитойда ишлаб чиқариладиган зенит ракета мажмуаси бўлиб, у катта майдонлар ҳаво ҳужумида ҳимоя қилш учун хизмат қилади. Topwar саҳифаси хабарига кўра ушбу мажмуада Хитой томонидан Россиядан 1993 йилда сотиб олинган С-300 ЗРМда қўлланилган кўплаб ечимлар қўлланилган. Мажмуа 6-200 км масофа узоқликда ва 0,5 – 30 км баландликдаги нишонларни йўқ қила олади. Россия тизими олдида унинг устуворлиги – арзон нархи ҳамда кичик ва енгил радионишонлаш тизимидадир.

Бугунги кунда FD-2000 Хитой, Жазоир, Марокош, Туркманистон ва Ўзбекистон ҳаво ҳимоя кучларида қўлланилмоқда.