Навоийлик фуқаро коврак буталарига 23,4 миллион сўмлик зарар етказди

Навоийлик фуқаро коврак буталарига 23,4 миллион сўмлик зарар етказди

Навоий вилояти Нурота туманида яшовчи фуқаро А.С. туманидаги “Қоракўл наслчилик” МЧЖ ҳудудидаги яйлов ораларидан 1050 дона “сассиқ коврак” ўсимлиги буталарини ўсишдан тўхташ даражасигача шикаст етказиб, ўсимлик буталарини нобуд қилган. Бу ҳақда Навоий вилояти Экология ва атроф-муҳитни муҳофаза қилиш соҳасидаги назорат бўйича инспекторлар томонидан рейд тадбирлари давомида маълум бўлди.

Ушбу ҳолат юзасидан фуқарога нисбатан Ўзбекистон Республикаси МЖтКнинг 79- модданинг 1-қисми билан маъмурий баённома расмийлаштирилиб, 1 млн 115 минг сўм жарима ҳамда 23 млн 415 минг сўм табиатга етказилган зарар ҳисобланди.