Ўзбекистон ва Фаластин долзарб масалаларни муҳокама қилди
25.04.2017 14:31,
7
Ўзбекистон ташқи ишлар вазири Абдулазиз Комилов ва Фаластин ташқи ишлар вазири ўринбосари Мазен Шамия билан икки томонлама муносабатларнинг долзарб масалаларини муҳокама қилди. Бу ҳақда Ўзбекистон ТИВ матбуот хизмати хабар бермоқда.
Хабарда айтилишича, суҳбат давомида Ўзбекистон-Фаластин муносабатлари, БМТ, Ислом ҳамкорлик ташкилоти ва бошқа тузилмалар доирасидаги ҳамкорликнинг ҳозирги ҳолати ва ривожланиш истиқболлари кўриб чиқилди.
Шунингдек, айрим халқаро ва минтақавий масалалар юзасидан ҳам фикр алмашилди.
Музокараларда Фаластин элчиси Муҳаммад Таршаҳани иштирок этди. Фаластин Давлати делегациясининг Ўзбекистонга ташрифи давомида Олий Мажлис, қатор вазирлик ва идораларда учрашувлар ўтказиши режалаштирилган.