Ўзбекистонга келаётган россиялик сайёҳлар оқими кескин ошди
12.12.2017 17:24,
7
"ТурСтат" аналитик агентлиги 9 ой мобайнида (2017 йил 1 январдан 30 сентябргача) Россиядан хорижга чиқишлар статистикасини таҳлил қилди ва россиялик сайёҳлар саёҳат қилган мамлакатлар рейтингини эълон қилди.
Россиядан Ўзбекистонга саёҳатлар миқдори 22 фоизгга ошган ва 93 минг сайёҳни ташкил этган. Ўзбекистон ушбу рўйхатда 39-ўринни олди. Ўзбекистондан кейинги ўринда Тожикистон жойлашди. Қирғизистон россиялик сайёҳлар ташрифи бўйича Ўзбекистондан ўзиб кетди. У 200 минг сайёҳ билан 30-ўриндан жой олди.
Қозоғистон рейтингнинг 4-ўрнини эгаллади. Кўрсатилган давр мобайнида бу ерга 2,3 млн россиялик ташриф буюрган. Россиялик туристлар учун оммабоп мамлакатлар рейтингида 1-ўринни Туркия банд этди — 3 млн 944 минг сайёҳ.