Қозоғистонда ўлим жазоси бекор қилинди

Қозоғистонда ўлим жазоси бекор қилинди

Қозоғистонда расман ўлим жазоси бекор қилинди. Аввалроқ, мамлакатда бунга мораторий жорий қилинган эди. 

Маълум қилинишича, Қозоғистон ўлим жазосини бекор қилиш тўғрисидаги халқаро протоколга қўшилди, тегишли ҳужжат Бирлашган Миллатлар Ташкилотининг штаб-квартирасида мамлакатнинг БМТдаги доимий вакили Қайрат Умаров томонидан имзоланди.

Қарорнинг ўзи илгари Президент Қосим-Жомарт Токаев томонидан БМТ Бош ассамблеясининг 75-юбилей сессиясининг умумий сиёсий баҳсидаги нутқида эълон қилинган эди. Президентнинг таъкидлашича, Қозоғистон асосий яшаш ҳуқуқи ва инсон қадр-қимматини амалга оширишга қаратилган.

Таъкидланишича, "ушбу халқаро ҳужжатнинг имзоланиши жиноят қонунчилигини инсонпарварлаштириш йўлининг давомидир".

Қозоғистонда ўлим жазоси 2003 йилдан бери қўлланилмайди. Ўшанда президент Назарбоев фармони билан ўлим жазосидан фойдаланишга мораторий жорий қилинган эди.