Россияда Тожикистоннинг 7 нафар фуқароси ёнғинда ҳалок бўлди
19.11.2016 13:18,
5
Россиянинг Тюмен вилоятида қурилиш майдончасидаги вагончада тунда ёнғин рўй берган, натижада, Тожикистоннинг етти нафар фуқароси ҳалок бўлган, деб хабар қилган "РИА Новости" нашри.
Ёнғин майдони 32 квадрат метрни ташкил этган, фожиа сабаблари ўрганилаётгани айтилмоқда.
"Етти нфар ҳалок бўлган шахс ҳамда касалхонага ётқизилган уч нафар жабрланувчи Тожикистон фуқаролари эканлиги маълум", — деб айтган агентлик.
Эслатиб ўтамиз, Москва шаҳрида август ойи охирида типографияда рўй берган катта ёнғин оқибатида Қирғизистоннинг 14 нафар фуқароси (ёш аёллар) ҳалок бўлган эди.