1 май, жума куни юз берган Сардоба сув омборидаги сув тошқини туфайли Қозоғистоннинг Туркистон вилоятидаги 2 та қишлоқ, 5400 фуқаро эвакуация қилинди. Бу ҳақда Tengrinews.kz нашри хабар бермоқда.
Вилоятдаги Махтаорол туманида техноген характердаги фавқулодда вазият эълон қилинди.
Ҳозирда Чимкент шаҳридан 300 дан ортиқ ҳарбий хизматчилар воқеа жойига етиб борган.
460 нафар Миллий гвардия ходимлари шай ҳолатга келтирилган.
Қозоғистон ички ишлар, экология вазирлари ўринбосарлари ҳамда Қишлоқ хўжалиги вакили воқеа жойига етиб борган.