Шимолий Қозоғистонда юқори патогенли парранда гриппи тарқалди

Шимолий Қозоғистонда юқори патогенли парранда гриппи тарқалди

Фото: Қозоғистон Қишлоқ хўжалиги вазирлиги

9 сентябрдан 16 сентябргача Шимолий Қозоғистон вилоятининг еттита туманида ҳар хил турдаги паррандаларнинг нобуд бўлиши қайд этилди. 

«Миллий маълумотнома маркази ўлимига юқори патогенли парранда гриппи сабаб бўлганлигини аниқлади. Қабул қилинган қоидаларга мувофиқ, Қозоғистон юқумли касаллик ҳақида Бутунжаҳон ҳайвонларни соғлиқни сақлаш ташкилотига хабар берди», - дейилади Қозоғистон Қишлоқ хўжалиги вазирлиги хабарида.

2020 йил 17 сентябрда Шимолий Қозоғистон вилоятининг етти туманида карантин жорий этилди. Карантин шартларига кўра одамлар ва транспорт воситаларининг ҳаракати имкон қадар чекланган бўлади, карантин зонасига кириш ва чиқиш жойларида дезинфекция тўсиқлари ўрнатилади.

Карантин охирги ҳолатдан 21 кун ўтгач бекор қилинади.