Давлат солиқ қўмитасининг собиқ раиси Ботир Парпиев Президент фармони билан янги лавозимга тайинланди. У энди Маҳалла ва оила масалалари вазири ўринбосари ўлароқ фаолият юритади. Бу ҳақда Qalampir.uz манбаси хабар бермоқда. Парпиев бугун, 19 февраль куни Вазирлар Маҳкамасида ўтказилган йиғилишда янги лавозимга тайинланган.
МАВЗУГА ДОИР: "Солиқда ўйинлар кўп бўлган": Шавкат Мирзиёев Ботир Парпиев нега ишдан олинганига изоҳ берди
Генерал-лейтенант Ботир Парпиев истеъфо сўраб, президентга ариза ёзди
Бунга қадар Ботир Парпиев Фуқароларнинг ўзини ўзи бошқариш органлари фаолиятини мувофиқлаштириш бўйича Республика Кенгаши раисининг Кексалар ва фахрийлар ишлари бўйича ўринбосари лавозимида ишлаб келаётган эди.
МАВЗУГА ДОИР: Маҳалла ва оилани қўллаб-қувватлаш вазирлиги ташкил этилди
Маълумотларга қараганда, у янги вазирликда оилавий тадбиркорлик ва кичик бизнесни ривожлантириш, томорқа ва ободонлаштириш, экология, бандликка кўмаклашиш масалаларига масъул бўлади.
Шунингдек, Ўзбекистон Республикаси Ички ишлар вазирининг жамоат тартибини сақлаш бўйича ўринбосари Азизбек Икромов ҳам янги лавозимга тайинланди.
ИИВ ўринбосарига Вазирлар Маҳкамасида ўтказилган йиғилишда янги ташкил этилган Маҳалла ва оила масалалари вазирлигига вазир ўринбосари вазифасини бажариш юкланган. У бир вақтнинг ўзида Ички ишлар вазири ўринбосари лавозимидаги фаолиятини ҳам давом эттиради.