Туркия парламенти депутатлари 13 декабрь, жума кунга ўтар кечаси конституцияга киритиладиган, президент ваколатларини кенгайтиришни кўзда тутувчи тузатишлар тўғрисидаги қонун лойиҳасининг учта асосий моддасини тасдиқлади.
Асосий қонунга ўзгартиришлар киритиш лойиҳаси Туркияда республиканинг 1923 йилда ташкил топганидан буён мавжуд бўлиб келган парламент бошқаруви тизимининг ўрнига президентлик тизимини киритишни назарда тутади. Лойиҳа парламентга ҳукмрон адолат ва ривожланиш Партияси томонидан кўриб чиқиш учун киритилганди.
Бунда гап, хусусан, давлат раҳбарига буйруқларни парламентга кўриб чиқиш учун тақдим қилмасдан туриб, чиқариш имкониятини бериш ҳақида бормоқда. Президент, шунингдек, вице-президент, вазир ва бошқа юқори мансабли расмий шахсларни мустақил равишда тайинлай олади. Бундан ташқари, президент парламент қабул қиладиган қонунларни кўриб чиқиш учун конституциявий судга тақдим этиши мумкин. Ушбу суднинг 15 аъзосидан 12 нафарини Туркия президентининг шахсан ўзи тайинлайди.
Агар парламент қонун лойиҳасини маъқулласа, у умуммиллий референдумга чиқарилади.