Туркия қуролли кучлари 22 транспорт воситасидан иборат ҳарбий карвонини Идлибга жўнатди
28.02.2020 18:06,
446
Туркия қуролли кучлари 22 транспорт воситаси ва зирҳли транспорт воситаларидан иборат армия карвонини Идлиб вилоятига юборди. Бу ҳақда жума куни Туркиянинг Sabah газетаси хабар берди.
Нашр маълумотларига кўра, карвонда махсус кучлар ва артиллерия бўлинмалари жангчилари кўринган.
Бундан ташқари, хабарларга кўра, Туркиянинг Инжирлик авиабазасидан иккита F-16 қирувчи самолёти ва битта учувчисиз самолёт осмонга кўтарилган.
Sabahга кўра, базага вертолёт ва махсус мақсаддаги самолёт қўнган ҳамда авиабазанинг ҳудудида транспорт самолётларининг узлуксиз ҳаракатланиши кузатилмоқда.