Киев Минск билан барча алоқаларни номаълум муддатга тўхтатади, деди Украина ташқи ишлар вазири Дмитрий Кулеба. Вазирнинг сўзларига кўра, ҳозирда мамлакатлар президентлари ўртасида алоқалар мавжуд эмас ва яқин келажакда режалаштирилмаган. Охирги марта Владимир Зеленский ва Александр Лукашенко Белорусда сайловлар олдидан гаплашган эди. 

«Ҳозир биздаги Беларус билан бўладиган барча жараёнлар, барча алоқалар тўхтатилди. Бу ҳақда сизга расмий равишда хабар беришим мумкин. Ва биз вазиятнинг ривожланишини кузатмоқдамиз», - деди жаноб Кулеба 1+1 телеканали эфирида (иқтибос РИА Новостидан). Унинг қўшимча қилишича, Белорус билан алоқалар "Украина учун обрўси, маънавий ва ахлоқий йўқотишларига олиб келмайдиган" вақтдагина янгиланади.

Украина Ташқи ишлар вазирлиги раҳбарининг аниқлик киритишича, энди Киев Донбасс бўйича музокаралар платформасини Минскдан ўтказиш заруратини кўрмаяпти. "Энди бу жараёнда Минскдан қоладигани фақат исм бўлмоқда, чунки пандемия сабабли барча учрашувлар онлайн тарзда ўтказиляпти. Шунинг учун у ерга ҳеч ким бормайди, Минск билан жисмоний алоқа йўқ, бу кўпроқ рамзий маънога эга", - деди у.

Бир неча кун олдин Украина Президенти Белорусда янги сайловлар ўтказиш зарурлигини маълум қилди. Бунга жавобан Белорус ТИВ Минск учун республика учун қийин даврда Украинанинг маслаҳатига муҳтож эмаслигини айтди. 27 август куни Украина Бош вазири Денис Шмигал ўз мамлакатларида қувғин қилинаётган белорусларга Украинада ҳимоя қилинишни таклиф қилди.