Россия Федерацияси Бош вазири Дмитрий Медведев истеъфога чиқади. Бу ҳақда “Интерфакс” хабар қилди.
Президент Владимир Путин инаугурациясидан кейин сўнгги 6 йилдан буён Бош вазир лавозимида бўлиб турган Медведев ва бир нечта вазир ўрнига янги раҳбарларни тайинламоқчи.
Ҳукуматнинг ҳозирги истеъфоси замонавий Россия тарихида ҳисоб бўйича 13- ва президент инаугурацияси муносабати билан еттинчиси бўлади. Маълумотларга кўра, Путин эратага, 8 май куни янги ҳукумат таркибини шакллантиради ва янги номзодларни эълон қилади.
Эслатиб ўтамиз, 5 май куни Россиянинг ўнлаб шаҳарларида президентлигига қайта сайланган Владимир Путинга қарши «Он нам не царь» («У бизга шоҳ эмас») шиори остида митинглар уюштирилди.
Шарқий ҳудудлардаги шаҳарларда бошланган митинглар тўлқини куннинг иккинчи ярмида Москва ва Санкт-Петербург шаҳарларига ҳам етиб келди. Митинглар ҳукумат билан келишилмаган тарзда ўтказилмоқда, Новокузнецк, Челябинск, Красноярск, Барнаул каби шаҳарларда полиция ўнлаб кишиларни ҳибсга олинди.