Ijtimoiy tarmoqlarda tarqalgan xabarlarga ko‘ra, joriy yilning 24 fevral kuni «Qamchiq» dovonida kuchli qorbo‘ron va muzlamalar mavjudligi bois avtoulovlarning harakati qiyinlashgan.

Favqulodda vaziyatlar vazirligi esa, «Qamchiq» maxsus qidiruv, yong‘in-qutqaruv boshqarmasiga tayanib, ayni vaqtda A-373 «Toshkent-O‘sh» avtomobil yo‘lining «Qamchiq» dovoni qismida ob-havo ochiq, yog‘ingarchiliklar kuzatilmayotganini bildirdi.

Havo harorati 0 +10 darajani tashkil etadi.

Ma’lum qilinishicha, dovonda avtomobillarning ikki tomonlama harakati ta’minlangan.