Rossiyaning Krasnoyarsk o‘lkasi Kuraginskiy tumanida to‘g‘on vayron bo‘ldi. Bu haqda RIA Novosti xabar bermoqda.

Rossiya FVV ma’lumotlariga ko‘ra, 13 kishi halok bo‘lgan, yana 13 kishining taqdiri noma’lumligicha qolgan. Hodisa Toshkent vaqti bilan tonggi to‘rtda Seyba daryosi bo‘yidagi Shetinkino qishlog‘i yaqinida ro‘y bergan. Natijada, oltin qazib chiqariladigan oltin koni ishchilari yashaydigan, har biri 40 kishiga mo‘ljallangan ikkita yotoqxona suv ostida qolgan.

Rossiya Federatsiya Prokuraturasi ish vaqtida xavfsizlik qoidalarining buzilishi moddasi bilan jinoiy ish ochgan.

Krasnoyarsk o‘lkasi gubernatori Aleksandr Uss tongda voqea joyiga yetib kelgan.

Hozirda voqea joyida 270 yaqin kishi, 50 ga yaqin texnika, jumladan aviatsiya ishlamoqda.