Serbiya prezidenti Aleksandr Vuchich Rossiya prezidenti Vladimir Putin va tashqi ishlar vaziri Sergey Lavrov undan "Asosiy instinkt" filmidagi kadr bilan Rossiya tashqi ishlar vazirligining rasmiy vakili Mariya Zaxarova uchun uzr so‘raganligini aytdi. Rossiya prezidenti matbuot kotibi Dmitriy Peskov RIA Novostiga janob Putin Zaxarova xonimning "beparvo posti" uchun kechirim so‘raganligini tasdiqladi.
“Prezident Putin hech qachon mendan hech narsa uchun uzr so‘ramagan va Sergey Lavrov ham bunday qilmagan. Va shu sababli (Zaxarova posti uchun) ikkalasi ham buni qildi. Bundan tashqari, men hatto eslatmaganman va tarbiyali inson sifatida bu haqda hech qachon eslamagan bo‘lar edim", - deya janob Vuchichning so‘zlaridan iqtibos keltiradi RIA Novosti.
Serbiya prezidenti ushbu voqeani o‘tmishdagi va ahamiyatsiz deb bilishini, Rossiya va Serbiya o‘rtasida esa yaxshi munosabatlar mavjudligini ta’kidladi.
Rossiya TIV rasmiysi O‘zbekistonning ichki siyosatiga qo‘pol ravishda aralashdi (video)
Tashqi ishlar vazirligi 4 kun o‘tib, Zaxarovaning so‘zlariga javob qaytardi
Eslatib o‘tamiz, avvalroq Mariya Zaxarova Facebook'da janob Vuchichning AQSh prezidenti Donald Tramp bilan uchrashuvi to‘g‘risida post joylashtirib, "Asosiy instinkt" filmidagi ayol oyoqlari aks etgan kadrni qo‘shib qo‘ygan edi. "Agar siz ma’lumotlar bazasiga chaqirilgan bo‘lsangiz va stul xuddi so‘roq qilinayotgandek joylashtirilgan bo‘lsa, №2-rasmdagi kabi o‘tiring", deb yozgan u. Bunga javoban janob Vuchich odamlar Serbiyaning Rossiyaga nisbatan pozitsiyasini qadrlamayotganidan afsusda ekanligini bildirdi va janob Tramp bilan uchrashuvda u Serbiya-Rossiya munosabatlarini himoya qildi. Keyinchalik, Zaxarova xonim uni noto‘g‘ri tushunganligini aytdi va Serbiya TIV voqeani tinchitdi deb aytdi.
Zaxarovaning bayonotidan so‘ng Rossiya elchisi Ruminiya TIVga chaqirildi
Janob Lavrovning Serbiya Prezidenti bilan telefon orqali suhbati 6 sentyabr kuni, Zaxarova xonim rezonansli xabarni e’lon qilgan kuni sodir bo‘ldi. Rossiya va Serbiya prezidentlari o‘rtasidagi suhbat 10 sentyabr kuni bo‘lib o‘tdi. Kreml xabar berishicha, boshqa narsalar qatori, Putin Vuchichning Rossiya-Serbiya aloqalarini rivojlantirishga qo‘shgan shaxsiy hissasini yuqori baholadi.