15 iyul, chorshanba kuni Moskva shahrining Pushkin maydonida Konstitutsiyaga kiritilgan o‘zgarishlar va Putinning prezidentlik muddatini nollashtirishga qarshi norozilik namoyishlari bo‘lib o‘tdi. Mitingda taxminan 300 kishi qatnashdi. 

Aksiya mahalliy vaqt bilan 19:00 (Toshkent vaqti bilan 21:00) da boshlandi. "Yo‘q!" kampaniyasi tashkilotchilariga ko‘ra, konstitutsiyaga kiritilgan o‘zgarishlarga qarshi 2 mingdan ortiq ovoz to‘plangan. 

Soat 21.00 atrofida (23:00 tshv) namoyishchilar Strastnoy xiyoboni bo‘ylab ularni hibsga olish boshlangan Petrovka tomon yurishdi.

Rossiyada «Putin konstitutsiyasi» va «nollashtirish»ga qarshi namoyishlar bo‘lyapti (fotojamlanma)

Rossiya IIV ma’lumotlariga ko‘ra, 132 kishi hibsga olingan, "Avtozak-live" kanaliga ko‘ra - 147 kishi. Sankt-Peterburgda shunga o‘xshash, kamroq ommaviy harakatlar hibsga olishlarsiz davom etdi.

Bayonnomalar tuzilgandan keyin hibsga olinganlarning aksariyati qo‘yib yuborilgan.

2019 yil yozida Moskva shahar Dumasiga saylovlarda mustaqil nomzodlarni qo‘llab-quvvatlagan mitinglarda hibsga olinganlar soni 1000 kishidan oshdi.