Navoiy viloyati Konimex tumani hududida Nexia hamda Changam mashinasi ishtirokida yo‘l transport hodisasi sodir bo‘ldi. Bu haqda YHXBB axborot xizmatiga tayanib Daryo.uz xabar berdi.

Hodisa 2020 yil 19 avgust kuni soat 10:25 larda yuz bergan. Nexia haydovchisining uxlab qolishi oqibatida mashina qarama-qarshi yo‘nalishga chiqib ketgan va Changam rusumli transport vositasi bilan to‘qnashgan.

Avariya oqibatida Nexia haydovchisi o‘ta og‘ir tan jarohati olib, voqea joyida vafot etgan. YHXBB taqdim etgan videolavhada Changam mashinasi haydovchisining ahvoli haqida ma’lumot berilmagan.