Айни вақтда амалий ташриф билан Қирғизистонда бўлиб турган Ўзбекистон Бош вазири Абдулла Арипов Президент Алмазбек Атамбоев билан учрашди.
Қирғизистон Бош вазири Сооронбай Жээнбеков ҳам иштирок этган учрашув чоғида икки давлат ўртасидаги турли соҳалар юзасидан ҳамкорлик масалалари муҳокама қилинди. Алмазбек Атамбоев Ўзбекистон Президенти Шавкат Мирзиёев ўзбек-қирғиз ҳамкорлигини мустаҳкамлашга катта ҳисса қўшаётганини алоҳида таъкидлади.
Ўз навбатида, Абдулла Арипов ҳам Президент Алмазбек Атамбоевга Шавкат Мирзиёевнинг саломини етказиб, Ўзбекистон ва Қирғизистон ўртасидаги дўстлик алоқаларини янада мустаҳкамлашга тайёрлигини билдирди.