Ироқ бош вазири Ҳайдар ал-Ободий ИШИДнинг Сурия ҳудудидаги марраларига авиазарбалар бериш ҳақида кўрсатма берди. Бу ҳақда Сурия ТИВга яқин манба хабар қилди.
«Биз ҳарбий-ҳаво кучлари қўмондонлигига Сурия ҳудудидаги Хусайба ва Абу-Камолда жойлашган ИШИД марраларига зарбалар бериш ҳақида кўрсатма бердик, чунки улар яқинда Бағдодда юз берган портлашлар учун жавобгардир», — деди бош вазир.
«Ироқ самолётлари Сурия Араб республикаси ҳудудида террорчилар позицияларига бераётган зарбалар Дамашқ розилиги билан амалга оширилмоқда», дея хабар берган «Ал-Ватан» нашри.
Ал-Ободийнинг қайд этишича, ироқлик ҳарбийлар бош вазир кўрсатмаси бўйича операцияни амалга ошириб бўлган.