Рамазон ойи давомида Муслим.уз порталининг Facebookдаги саҳифаси орқали пойтахтимизнинг бир қатор масжидларидаги таровеҳ намозлари ва қориларнинг Қуръон тиловатлари онлайн ёритиб борилади.
Бугун илк трансляция Тошкент шаҳрининг марказий масжиди бўлган “Ҳазрати Имом” жоме масжидидан бўлади.
Шунингдек, Тошкент шаҳридаги “Мирза Юсуф”, “Минор”, “Шайх Зайниддин”, “Хўжа Аламбардор”, “Тўхтабой”, “Мўйи муборак” ҳамда Тошкент вилояти Зангиота туманидаги “Занги ота”, Самарқанд вилоятидаги “Имом Бухорий”, Фарғона вилоятидаги “Мадрасаи Мир”, Бухоро вилоятидаги “Баҳовуддин Нақшбанд” жоме масжидларидан ҳам таровеҳ намозлари ва хатми Қуръон онлайн трансляция қилинади. Ушбу жоме масжидларнинг ижтимоий тармоқлардаги саҳифалари манзили ва бошланиш вақти ҳақида кейинроқ маълумот берилади.