Ўзбекистон бош вазири Абдулла Арипов 2 июнь, жума куни Тошкент шаҳрининг Юнусобод туманига ташриф буюрди, дея хабар бермоқда Дарё нашри.
Ҳукумат раҳбари ташриф давомида ёзги таътил вақтида мактаб ўқувчилари бандлигини таъминлаш масалалари билан танишди.
«Абдулла Арипов Юнусобод туманидаги барча интернет-кафеларни ёпиш ҳақида кўрсатма берди. Интернет-кафеларнинг тунги вақтларда болаларга хизмат кўрсатаётгани бунга сабаб бўлган», —дейилади « хабарда.
Хабар беришларича, туман расмийларига болаларни китоб ўқишга жалб қилиш мақсадида мактаб ва маҳаллаларнинг раҳбарлари билан суҳбатлар ўтказиш ҳақида топшириқ берилган.