Навоийда 19 ёшли бола сувга чўкиб кетишига оз қолди
12.06.2017 21:14,
13
2017 йилнинг 8 июнь куни Навоий вилояти Нурота туманидаги “Ёшлик” кўлида бахтсиз ҳодиса рўй берди.
Шу туманнинг Шаҳристон маҳалла фуқаролар йиғинида яшовчи 1998 йилда туғилган фуқаро Инотов Ғолиб Толиб ўғли «Ёшлик» кўлида чўмилаётган пайтида тўсатдан сувда чўка бошлаган. Шу пайт кўл атрофида навбатчилик олиб бораётган Навоий вилояти Фавқулодда вазиятлар бошқармаси Қутқарув отряди қутқарувчилари дарҳол ёрдамга келиб фуқаро Ғ.Инотовни қутқариб, биринчи тиббий ёрдам кўрсатиб ҳаётини сақлаб қолишди. Бу ҳақида ФВВ матбуот хизмати хабар қилди.
ФВВ ўз хабарида, шунингдек, фуқаролардан сув ҳавзаларида чўмилаётганда эҳтиёт бўлишга чақирган.