Россия президенти Владимир Путин Федерал йиғинга йўллаган мурожаатномасида АҚШнинг Россияга нисбатан сиёсатини дўстона деб аташ эҳтимолдан узоқлиги қайд этди. 

Владимир Путин ўз нутқида сўнгги йилларда АҚШнинг Россияга нисбатан юритаётган сиёсатини дўстона деб аташ эҳтимолдан узоқлигини, Россия манфаатлари эътиборга олинмаётганлиги, Россияга қарши халқаро нормалар нуқтаи назаридан ноқонуний янгидан янги санкциялар жорий этилаётганини маълум қилди.

Путин АҚШ ўз мудофаасини яхшилаш учун 1987 йилда имзоланган Ўрта ва яқин масофага отилувчи ракеталарни тақиқлаш тўғрисидаги шартномадан чиққанини яна такрорлади.

Ой бошида АҚШ келишувдан чиқиш жараёнини бошлаб юборди. АҚШ ўз қарорига Москва келишувга зид равишда “9М729” қанотли ракетасини ишлаб чиққани сабаб бўлганини билдирган.

Вашингтон айбловини рад этиб келаётган Россия эса ўзи ҳам келишувдан чиқишини эълон қилди. Ўрта ва кичик масофадаги ракеталар бўйича битим томонларга ҳаракатлар масофаси 500 дан 5,5 минг километргача бўлган, ерда жойлашувчи баллистик ракеталар ва қанотли ракеталарга эгалик қилишга рухсат бермайди.

Путин Россия АҚШга таҳдид солмаслигини, аммо “тўлиқ ва дўстона” алоқалар ўрнатишни исташини таъкидлади.

Путин, шунингдек, 2018 йилда қилган нутқида эълон қилинган янги ядровий қуролларни ишлаб чиқиш жараёни режадагидек кетаётганини билдирди.