Эроннинг Олий раҳбари Али Хаминаий расмийларга хато оқибатида уриб туширилган Украина самолёти ҳалокати бўйича тергов натижаларини эълон қилишни буюрди, дея хабар беради Спутник нашри.
“Олий раҳбарга мамлакатнинг ҳаводан ҳужум мудофаасидаги хатолик ҳақида хабар берилиши билан, у ушбу масалани ўрганиш учун мамлакат Миллий хавфсизлик Олий кенгашининг фавқулодда йиғилишини чақирди ва воқеа сабаблари ва тергов натижалари ҳалол ва ошкора эълон қилинишини тасдиқлади“, — дейилади хабарда.
Эслатиб ўтамиз, Эрон пойтахти Теҳрондан Украина пойтахти Киев шаҳрига PS 752 рақами билан парвозни амалга ошираётган, бортида 176 йўловчи, шу жумладан, 9 экипаж аъзоси бўлган Boeing 737-800 самолёти 2020 йил 8 январ куни маҳаллий вақт билан соат 6:12 да Имом Ҳумайний халқаро аэропортидан ҳавога кўтарилган ва орадан 2 дақиқа ўтиб, аэропорт яқинидаги Паранд мавзесида қулаб тушганди.
Бугун Эрон Қуролли кучлари Украина Боинг самолётини тасодифан уриб юборганини, бехосдан инсон омили айбдорлиги кўрсатилди. Cамолёт Эрон ҳарбий объекти яқинида учаётганда душман самолёти деб қабул қилиниб уриб туширилган. Эрон президенти авиаҳалокат муносабати билан ҳамдардлик билдирди ва чуқур афсусдалигини айтди.