Facebook Россиянинг "Интернет тадқиқотлари агентлиги" (IRA) орқали бошқарилган ва жамоатчилик фикрини бошқаришга қаратилган 270 дан зиёд фойдаланувчиларнинг саҳифаси ўчириб ташланганлигини Марк Цукерберг ўзининг саҳифасида 3 апрел куни маълум қилди.
Марк Цукербергнинг сўзларига кўра, "троллар фабрикаси" фойдаланувчилари Россия ва бошқа собиқ Иттифоқ ҳудудида жойлашган Озарбайжон, Ўзбекистон ва Украинадаги Facebook фойдаланувчиларига қаратилган ва айрим ўчирилган саҳифалар IRA томонидан назорат қилинган Россия ахборот тарқатувчи ташкилотларга тегишли. Бундай саҳифаларнинг айримларининг 1 млн обуначилари бўлган. Бундан ташқари Instagramдаги саҳифасида 500 минг обуначиси бўлган.
Бундан ташқари Facebook асосчиси бир неча ҳафта ичида фойдаланувчилар махсус дастур орқали "троллар фабрикасига" тегишли саҳифаларни кузатиб борган ёки бормаганликларини билиб олишлари мумкинлигини таъкидлаб ўтган.