Тожикистонда 21 март куни бошланган мактаб таътиллари 31 мартда ниҳоясига етади. Мактабларда карантин эълон қилинмайди деб хабар бермоқда маҳаллий Asia-plus нашри.
"Таълимда ҳозирча ҳеч нарса ўзгармади: тасдиқланган ўқув режасига мувофиқ, дарслар биринчи апрелдан бошланади", - деди мамлакат таълим вазири матбуот котиби Эҳсон Хушбахт.
Мактабларда ҳали баҳорги таътил давом этаётган бир вақтда, 26 мартдан ОТМларда ўқиш бошланди.
Шунингдек, аввалроқ мамлакатда Наврўз байрами ҳам нишонланган эди.
Ҳозирча Тожикистонда коронавирус ҳолати қайд этилмади. У коронавирус "топилмаган" жаҳондаги оз сонли мамлакатлардан бири.