Яндекснинг Москва биржасидаги котировкалари Россиянинг янги бош вазири бўлишга номзод Михаил Мишустиннинг компанияни қўллаб-қувватлаш ҳақидаги сўзларидан кейин 5,5 %га қимматлади. Бу IT ширкати учун янги тарихий рекорд.
Мишустин аниқ нима қилиши ҳақида айтмаган: ахборот агентликлари Мишустин Давлат Думасидаги Коммунистик партия фракцияси билан учрашув чоғида айтган баёнотида таяниб янгилик тарқатган.
“У Яндексни мақтади ва уни қўллаб – қувватлашга ваъда берди”, - деб ёзади Компартия Марказий қўмитаси котиби Сергей Обухов ўзининг Телеграм каналига.
Мишустин учун рақамли хизматлар мавзуси бегона эмас: 10 йил Федерал солиқ хизмати раҳбари бўлиб ишлаганда тизимни мумкин қадар “рақамлилаштирган”.
Аввалроқ Думада муҳокама қилинган биргина қонун лойиҳаси туфайли Яндекс $1.5 млрд зарар кўрган эди.
Мавзуга доир: Россия Федерациясининг янги бош вазирлигига номзод Михаил Мишустин нималарни ваъда қиляпти?