Ўзбекистонда илк бор Тожикистон ёшлари соддалаштирилган тартибда таҳсил оладилар

Ўзбекистонда илк бор Тожикистон ёшлари соддалаштирилган тартибда таҳсил оладилар

Тожикистон талабалари илк марта Ўзбекистонда соддалаштирилган тартибда таҳсил олишлари мумкин. Бу ҳақда Ўзбекистоннинг Тожикистондаги элчихонаси маълумотига асосланиб РИА Новости хабар қилди.

"2017/2018 ўқув йилидан Тошкент давлат юридик университетига тожик талабаларини соддалаштирилган тартибда қабул қилиш бошланади. Тожикистон фуқаролари ТДЮУга квотадан ташқари тўлов-контракт асосида ўқишга киришлари мумкин. Бунинг учун улар имтихон топширишлари шарт эмас, фақатгина суҳбатдан ўтадилар", — деди агентлик суҳбатдоши.

Эслатиб ўтамиз, Вазирлар Маҳкамасининг 2017 йил 2 июндаги қарорига мувофиқ Тошкент давлат юридик университети (ТДЮУ) бакалавриатига хорижий фуқароларни қабул қилиш тартиби тўғрисидаги низом тасдиқланган эди.

ТДЮУ Бостон коллежининг ҳуқуқ Мактаби, Капитолий Тулуза 1, Нагоя, Осака, сиёсат ва ҳуқуқ бўйича Шимоли-ғарбий (Хитой, Сиан) ва Шарқий университетлари билан халқаро алоқалар ва лойиҳаларни йўлга қўйган.